ജാലകം 3:പ്രകൃതിയിലേക്ക് മടങ്ങാൻ

*ജാലകം 13*
*ബയോ ഇൻഫർമാറ്റിക്സ്*
BIOINFORMATICS
ഡോ: അച്യുത് ശങ്കർ
ഉമേഷ് .പി .
dcb ₹ 80

ശാസ്ത്രം എന്ന് കേൾക്കുമ്പോൾ തന്നെ പലർക്കും തലകറക്കം വരും .അതിമാനുഷരും അപാരബുദ്ധിവൈഭവവും ആഴത്തിലുള്ള അറിവുമുള്ളവർക്ക് മാത്രം സാദ്ധ്യമാകുന്നതും മനസ്സിലാക്കാൻ കഴിയുന്നതുമായ ഒരു നിഗൂഢ മേഖലയായി ശാസ്ത്രത്തെ വീക്ഷിക്കുന്ന അതിലേക്ക് ചിന്ത കൊടുക്കാതെ മാറി നിൽക്കുന്ന സ്ഥിതിയാണ് പൊതുവെ കാണാറുള്ളത്.
പക്ഷേ വിവര വിപ്ലവ കാലത്ത് ശാസ്ത്ര കാര്യങ്ങളിൽ പലതും ഏറെക്കുറെ സാധാരണക്കാരനും ദഹിക്കാൻ തുടങ്ങിയിട്ടുണ്ട്.
കമ്പ്യൂട്ടർ വൽക്കരണമില്ലാത്ത ഏത് മേഖലയാണ് ഇന്നുള്ളത്?
സാധാരണക്കാരനും സാമാന്യമായി അറിയേണ്ട അടിസ്ഥാന പരമായ വിവരങ്ങളാണ് ഈ പുസ്തകം പ്രതിപാദിക്കുന്നത്.
സാങ്കേതിക ജ്ഞാനമോ സങ്കീർണമായ പ്രോബ്ളം സോൾവിങ്ങോ വിശകലന ചെയ്യാത്തതിനാൽ എല്ലാവരും മനസ്സിലാക്കേണ്ട ചില കാര്യങ്ങളുടെ ഗുളിക രൂപത്തിലുള്ള വൈജ്ഞാനിക സദ്യ  വിളമ്പുന്ന ഗ്രന്ഥം എന്ന നിലക്ക് രുചിയോടെ നമുക്ക് ഇത് കഴിക്കാം

*ജീവൻ എന്ന സമസ്യയുടെ ചുരുളഴിക്കുവാൻ കമ്പ്യൂട്ടറും സാങ്കേതിക വിദ്യയും അനുബന്ധ വിജ്ഞാനവും പ്രയോഗിക്കുന്നതിനാണ് ബയോ ഇൻഫർമാറ്റിക്സ് എന്ന് പറയുന്നത്*

ലഭ്യമായ ജീവനുള്ള എന്തിനെയും ബയോ മാസ്റ്റ് എന്ന് പറയാം.
സൂക്ഷ്മാണുക്കളും പച്ചപ്പുകളും പ്രാണികളും ഉരഗങ്ങളും വന്യജീവികളും സമുദ്രജീവികളും അവയുടെയെല്ലാം അവാസവ്യവസ്ഥയെയും സന്തുലിതാവസ്ഥയെയും പഠിക്കുന്ന തലം മുതൽ കലകളെയും കോശങ്ങളെയും സൂക്ഷ്മമായി പഠിക്കുന്ന മേഖലകൾ വരെ ഇതിൻ്റെ പരിധിയിൽ വരുന്നു.

DNA ,RNA പ്രോട്ടീനുകൾ എന്നിവയെ സംബന്ധിച്ച വിവരങ്ങൾ പ്രത്യേക ഡേറ്റാ ഫയലുകളായി കമ്പ്യൂട്ടറുകളിൽ സൂക്ഷിക്കാൻ കഴിയുന്ന വിദ്യ നിലവിൽ വന്നു.

ഔഷധ സസ്യങ്ങളുടെ യോ വന്യമൃഗങ്ങളുടെയോ മറ്റോ സാമാന്യ വിവരങ്ങളുടെ ഡാറ്റാബേസ് കമ്പ്യൂട്ടറിൽ രേഖരിച്ചു വെക്കുന്നതിനല്ല ബയോ ഇൻഫർമാറ്റിക്സ് എന്ന് പറയുന്നത്

ഡി.എൻ.എ ശ്രേണിയിൽ നിന്ന് ഒരു വ്യക്തിയുടെ മൃഗത്തിൻ്റെ മറ്റു ജീവികളുടെ രോഗ സാദ്ധ്യസാധ്യത തിരിച്ചറിയാനുള്ള പ്രത്യേക സമീപന രീതിയാണിത്.

കമ്പ്യൂട്ടേഷണൽ ബയോളജി ഇതിൻ്റ അനുബന്ധ ശാഖയാണ്.
കമ്പ്യൂട്ടേഷണൽ ബയോളജി പ്രശ്ന പരിഹാരത്തിലുപരി പ്രശ്ന പരിഹാരങ്ങൾക്കു തകുന്ന സംവിധാനങ്ങളുടെ രൂപ കല്പനയിലും അപഗ്രഥനത്തിലുമാണ് ഊന്നൽ നൽകുന്നത്.

*കമ്പ്യൂട്ടർ അൽഗോരിതങ്ങളുടെയും സോഫ്റ്റ് വെയറുകളുടെയും രൂപകല്പന, പ്രോഗ്രാമിങ്ങ് എന്നീ വിഷയങ്ങളിൽ വൈദഗ്ദ്ധ്യമുള്ളവർ ജീവ ശാസ്ത്രജ്ഞർക്ക് ആവശ്യമുള്ള സോഫ്റ്റ് വെയർ ഉപകരണങ്ങളും മറ്റും സൃഷ്ടിക്കലാണ് കമ്പ്യൂട്ടേഷണൽ ബയോളജിസ്റ്റുകളുടെ ചുമതല. അവർ സൃഷ്ടിച്ച സോഫ്റ്റ് വെയർ ഉത്പന്നങ്ങൾ ഉപയോഗിച്ച് കൊണ്ട് ജീവശാസ്ത്രത്തിലെ പ്രശ്നങ്ങൾക്ക് ഉത്തരം കണ്ടെത്താൻ ശ്രമിക്കുന്നവരാണ് ബയോ ഇൻഫർമാറ്റിഷ്യസ്*

*ആർട്ടിഫിഷ്യൽ ഇൻ്റലിജൻസ് ഏറെ വികസിച്ചു.ആർട്ടി ഫിഷ്യൽ ന്യൂറൽ നെറ്റ് വർക്ക്* *മനുഷ്യൻ്റെ തലച്ചോറിന് സമാന രീതിയിലുള്ള വിക സിച്ച കമ്പ്യൂട്ടറാണ്*
*ബയോ ടെക്നോളജിയുടെ പിതാവായ ലൂയിസ് പാസ്ചറും കമ്പ്യൂട്ടർ സാങ്കേതിക വിദ്യയുടെ പിതാവായ ചാൾസ് ബാബേജും നൽകിയ സംഭാവനയെ കോർത്തിയിണക്കുനതാണ് ജീവശാസ്ത്ര ഗവേഷണ രംഗത്തെ ഡേറ്റാ പ്രളയം*

*ഒരു ജീവിയിലെ മുഴുവൻ ഡി.എൻ.എ. ശ്രേണികൾക്കും കൂടി പറയുന്ന പേരാണ് ജിനോം*
*കോടാനുകോടി കോശങ്ങളിൽ ഓരോന്നിൻ്റെയും ന്യൂക്ലിയസ്സിൽ അടക്കം ചെയ്തിരിക്കുന്ന ജീവൻ്റെ പ്രവർത്തനങ്ങളുടെ ഒരു ബ്ലൂ പ്രിൻറാണ് ജിനോം*

*ബയോ ഇൻഫർമാറ്റിക്സിൻ്റെ ഏറ്റവും പ്രയോജനമുള്ള ഒന്നാണ് ജീവൻ രക്ഷാ ഔഷധ നിർമ്മാണം. കമ്പ്യൂട്ടർ എയ്ഡഡ് ഡ്രഗ് ഡിസ്കവറി ഇതിൻ്റെ ഫലമാണ്.*

ഗണിത ശാസ്ത്രവും എൻജീനിയറിങ് തത്വവും ജീവ ശാസ്ത്ര മേഖല കമ്പ്യൂട്ടർ വിദ്യയിലൂടെ ഇന്ന് കൂട്ടിയോജിപ്പിച്ച് പ്രവർത്തിക്കുന്നു. ബയോടെക്നോളജിയുടെ അനന്ത സാദ്ധ്യതകൾക്ക് വഴി തുറന്നിരിക്കുന്നു.
1996 ൽ തന്നെ E-Cell ജപ്പാൻ പ്രവർത്തനക്ഷമമാക്കി.
ഗൂഗിളിൽ സെർച്ച് ചെയ്യുന്നത് പോലെ ജീവ ശാസ്ത്രജ്ഞർ ബ്ലാസ്റ്റ് സ്വീക്വൻസ് അലൈൻമെൻ്റ് സോഫ്റ്റ് വെയറുകൾ നിരന്തരം ഉപയോഗിക്കുന്നു.

ഭാഷ പഠനത്തിൽ
നിഘണ്ടു പോലെ വാങ്ങി സൂക്ഷിച്ച് ശാസ്ത്ര ആശയങ്ങളും ന്യൂതനവും ലളിതവുമായ ജൈവ വിവര സാങ്കേതിക വിദ്യകളെ കുറിച്ച് ആവർത്തിച്ചു വായിച്ചു കൊണ്ടിരിക്കേണ്ട പുസ്തകമാണിത്.
ഗവേഷണ മേഖലയിൽ ജീവിതം സമർപ്പിച്ച ആയിരക്കണക്കിന് ശാസ്ത്രജ്ഞന്മാരുടെ അറിവും കണ്ടുപിടുത്തവും ഒരു ചെപ്പിലൊതുക്കി നമ്മുടെ കയ്യിൽ വെച്ച് തരുമ്പോൾ അത് വായിക്കാനുള്ള സന്മനസ്സെങ്കിലും നാം പ്രകടിപ്പിക്കണം.
വിദ്യാർത്ഥികൾക്കും അധ്യാപകർക്കും പൊതുജനങ്ങൾക്കുമെല്ലാം ഏറെ പ്രയോജനം ചെയ്യുന്ന ഈ ശാസ്ത്ര ഗ്രന്ഥം വായിക്കുക. പഠിക്കുക.

കെ.കെ.പി.അബ്ദുല്ല
25/5/2020