മധ്യകാല നൂറ്റാണ്ടിലേക്ക് മടക്കി കൊണ്ടുപോകുവാൻ അപരിഷ്കൃത ആശയങ്ങൾ നടപ്പിലാക്കുന്നുവെന്ന് ലോകത്തിന്റെ മുഴുവൻ പഴി കേൾക്കേണ്ടി വന്ന താലിബാൻ മിലീഷ്യ റാഞ്ചൽ നാടകത്തോടു തീർത്തും പുരോഗമനപരമായ സമീപനവുമായി രംഗത്തുവന്നതാണ് അവരുടെ പ്രതിച്ഛായയ്ക്ക് തിളക്കം നല്കിയിരിക്കുന്നത്. സഹിഷ്ണുണുത, സമത്വം തുടങ്ങിയ ആശയങ്ങളോടു മുഖം തിരിഞ്ഞു നില്ക്കുന്നുവെന്ന പ്രതിഛായയുള്ള താലിബാൻ ഒരാഴ്ച കൊണ്ട് ആ ധാരണ തിരുത്തിക്കുറിച്ചു. താലിബാൻ പ്രശംസാർഹമായ രീതിയിൽ നയചാതുരി പ്രകടമാക്കിയ സാഹചര്യത്തിൽ ഇന്ത്യയും ലോക രാഷ്ട്രങ്ങളും താലിബാൻ സർക്കാരിനെ അംഗീകരിക്കണം (മാധ്യമം ദിനപത്രം . 2.1.2000)
*ജാലകം 3* *പ്രകൃതിയിലേക്ക് മടങ്ങാൻ* The one straw Revalution (ഒറ്റ വൈക്കോൽ വിപ്ലവം) കർഷകരുടെ വേദഗ്രന്ഥം എന്ന് വിശേഷിപ്പിക്കപ്പെടുന്ന ഗ്രന്ഥം രചിച്ച ലോക പ്രശസ്ത എഴുത്തുകാരനും ചിന്തകനും വാഗ്മിയും പരിസ്ഥിതി പ്രവർത്തകനും പ്രകൃതി സൗഹൃദ കൃഷി സമ്പ്രദായം പ്രായോഗികമായി നടപ്പിലാക്കിയ ശാസ്ത്രജ്ഞനുമാണ് മസനോബു ഫുക്കുവോക്ക. Natural Way of farming എന്ന ഗ്രന്ഥത്തിന് ശേഷം ഏറെ ശ്രദ്ധേയമായ പരിസ്ഥിതി ദർശന ഗ്രന്ഥമാണ് *The Road Back to Nature പ്രകൃതിയിലേക്ക് മടങ്ങാൻ* ശീതീകരിച്ച റൂമിലിരുന്ന് ഭാവനാത്മകമായി നടത്തിയ സർഗ വൈജ്ഞാനിക ഗ്രന്ഥമല്ല ലോകരാജ്യങ്ങളിലൂടെ സഞ്ചരിച്ച് രാസവള പ്രയോഗങ്ങളുടെയും കീടനാശിനികളുടെയും പ്രശ്നങ്ങളെ കുറിച്ച് കർഷകരെ ഉൾബോധിപ്പിച്ച് പ്രകൃതികൃഷി നടപ്പിലാക്കിയ ജൈവമനുഷ്യനാണ് ഫുക്കുവോക്ക. ഈ പുസ്തകം കേവലമായ കുറേ അറിവിൻ്റെ കലവറ തുറക്കുകയല്ല പരിസ്ഥിതി യോട് താദാത്മ്യപ്പെട്ട് ജീവിക്കേണ്ടതിൻ്റെ അനിവാര്യത ഈ ദാർശനിക പഠന ഗ്രന്ഥം നമ്മെ ഉറക്കെ ബോധ്യപ്പെടുത്തുന്നു. *ഈശ്വരൻ മനുഷ്യനെ അവൻ്റെ വഴിക്കു വിട്ടിരിക്കുകയാണ്. മനുഷ്യൻ സ്വയം രക്ഷിച്ചില്ലെങ്കിൽ മറ്റാരും അവനു വേണ്ടി അതു ചെയ്യില്ല* ...
Comments
Post a Comment