കമ്യൂണിസം 2

കമ്യൂണിസം, മതം, സമൂഹം സംസ്കാരം, ചരിത്രം അന്വേഷണ പഠനങ്ങൾ 19 അപ്പമില്ലാത്ത സ്വാതന്ത്ര്യം ശ്മശാന വിശ്രാന്തിയാണ്. സ്വാതന്ത്ര്യമില്ലാത്ത അപ്പം സർക്കസ് കൂടാരത്തിലെ വിശിഷ്ടഭോജ്യവും. മൂത്തുപഴുക്കേണ്ട ഫലത്തിനു പകരം വിപ്ലവം നല്കിയത് ഞെക്കി പഴുപ്പിച്ച ഫലമാണ്. അതിൻെറ കയ്പും ചവർപ്പും പുളിപ്പും സ്വാഭാവി കമെന്ന് സമാധാനിക്കാം. ഉദ്ബുദ്ധരായ തൊഴിലാളികൾ മുന്നണിപ്പോരാളികളായി നയിച്ച ഒരു വിപ്ലവവും ലോകത്തിൽ ഒരിടത്തും ഇന്നേവരെ നടന്നിട്ടില്ല. മഹത്തായ റഷ്യൻ വിപ്ലവം പോലും മാർക്സിന് പിഴച്ചതാണോ വിപ്ലവം കാലംതെറ്റി പിറന്നതാണോ എന്നൊക്കെ ബുദ്ധിമാന്മാർ ഇനിയും ചർച്ച ചെയ്തു തീരുമാനിക്കാം. റഷ്യയിൽ ഒന്നു രണ്ടുമാസത്തെ പര്യടനത്തിന് പോയി തിരിച്ചെത്തിയ ഫ്രഞ്ച് സാഹിത്യകാരൻ ആന്ദ്രേ ഴീ താണ് ഈ അരുണ ദശ (കമ്യൂണിസം )യെ ആദ്യം തള്ളിപ്പറഞ്ഞത്. സാറിസ്റ്റ് ഭരണത്തിന് പകരം മറ്റൊരു മർദ്ദക ഭരണമാണ് ഇവിടെ നടക്കുന്നതെന്ന് ഒളിവോ മറയോ കൂടാതെ അദ്ദേഹം പ്രഖ്യാപിച്ചു. മാനവ നീതിയും ചിന്താസ്വാതന്ത്ര്യവും സർഗ്ഗ ശക്തിയും അപമാനമായി കണ്ടതിൽ നിന്നുള്ള ക്ഷോഭം മുറ്റി നിൽക്കുന്നതായിരുന്നു അദ്ദേഹത്തിൻെറ പ്രസ്താവന. പിന്നീട് ഇത്തരം പ്രസ്താവനകളുടെ നിലയ്ക്കാത്ത പ്രവാഹമായിരുന്നു. അതിദീർഘമായ ലേഖനങ്ങളും ലേഖന സമാഹാരങ്ങളും പുസ്തകങ്ങളും വന്നുതുടങ്ങി. അവയിൽ ചിലവ *തോറ്റ ദൈവം* *ഉടുതുണിയില്ലാത്ത ദൈവം* നട്ടുച്ചക്ക് കൂരിരുട്ട് ആനിമൽഫാം 1984 പുതിയ വർഗ്ഗം റഷ്യയിലെ കുറ്റവിചാരണ കളുടെയും കുറ്റസമ്മത ങ്ങളുടെയും ജന ശത്രുക്കളെ ലിക്വിഡേറ്റ് ചെയ്തതിന്റെയും കഥകൾ പിന്നീട് പുറത്തുവന്നു. വിപ്ലവാനന്തരം 23 ൽ പാർട്ടി പോളിസി മാറ്റിയപ്പോൾ ജീവരക്ഷാർത്ഥം വിദേശങ്ങളിലേക്ക് ഓടിയൊളിക്കാൻ നിർബന്ധിതരായ കലാകാരന്മാർ, സാഹിത്യകാരന്മാർ, സംഗീതജ്ഞർ , നർത്തകന്മാർ, നാടകനടന്മാർ, ഏർപ്പെട്ട മനുഷ്യരുടെ ചരിതങ്ങളും പ്രകാശം കണ്ടു തുടങ്ങി. പാലം കുലുങ്ങിയാലും കേളൻ കുലുങ്ങുമോ? ഒറ്റ വായ്ത്താരി കൊണ്ടാണ് റഷ്യയും അതിന്റെ വൈതാളിക വൃന്ദവും ഇതിന് നേരിട്ടത് ,ഏത് സാമ്രാജ്യത്വ കോളാമ്പി സാഹിത്യത്തിലെ പ്രളയം. ഇവരിൽചിലർ മലയാളഭാഷയെ ദുഷിപ്പിച്ചത് പോലെ ഒരു ദൂഷണം എവിടെയെങ്കിലും ഏതെങ്കിലും ഭാഷയ്ക്കുണ്ടായിട്ടുണ്ടോ എന്ന് സംശയമാണ് . സി ജെ തോമസ് എം ഗോവിന്ദൻ കെ.എ. കൊടുങ്ങല്ലൂർ മുതൽപേർ. ഇവരെ കുശുകുശുപ്പ് (വിസ് പറങ്ങ് ക്യാമ്പയിൻ) പ്രസ്ഥാനത്തിലിട്ട് അസ്തവീര്യരാക്കാനും തേജോവധം ചെയ്തു ഇല്ലാതാക്കാനുമല്ലേ ഇവിടുത്തെ കമ്യൂണിസ്റ്റ് പ്രസ്ഥാനവും അതിന്റെ തലയാളന്മാരും ശിങ്കിടികളും ഇക്കാലമത്രയും ശ്രമിച്ചു പോന്നിട്ടുള്ളത് ? അവരന്നുമൊഴിഞ്ഞ ഓരോ മൊഴിയും ഊതിയുണർത്തിയ ചിന്താ സ്ഫുല്ലിംഗവും പ്രകാശിപ്പിച്ച ആശയ ലോകവും ഇന്ന് അടിവരയിട്ടുറപ്പിക്കുന്നത് ഗോർബച്ചേവും കൂട്ടരുമാണെന്ന് ഏതോ കാവ്യനീതിയുടെ വിജയമല്ലാതെ മറ്റെന്താണ്? (ദേവ സ്പന്ദനം, എം.വി.ദേവൻ, പേജ് 503, 504 ) മലയാളത്തിൽ പോലും ദൈവത്തെ നിന്ദിക്കുന്ന കമ്യൂണിസ്റ്റ് ഗ്രന്ഥങ്ങൾ ധാരാളം പ്രസിദ്ധീകരിക്കപ്പെട്ടിരുന്നു. നാടകങ്ങൾ ദൈവ നിഷേധത്തെ ഹൈലൈറ്റ് ചെയ്യുന്നവയുമായിരുന്നു. ദൈവം മരിച്ചു പോലുള്ള ലോകോത്തര പുസ്തകങ്ങളെ ചുവട് പിടിച്ച് കമ്യൂണിസ്റ്റ് സാഹിത്യത്തിലൂടെ ചിന്തയും ദേശാഭിമാനിയും നിരവധി ദൈവ വിമർശന മത വിരുദ്ധ പുസ്തകങ്ങൾ പ്രകാശനം ചെയ്തിട്ടുണ്ട്. കെ.കെ.പി. 2/10/2021